Almennir skilmálar

  1. Eftirfarandi skilmálar ná til þátttakanda og Gung-Ho! og fela í sér skráningu í hlaup á vegum Gung-Ho! og samþykki þátttakanda við því að hlíta skilmálunum.
  2. Gung-Ho! ber ekki ábyrgð á heilsu þátttakenda í hlaupum á vegum þess, á meðan hlaupinu stendur né í tengslum við það. Þá ábyrgist Gung-Ho! eða starfsmenn þess og samstarfaðilar ekki tjón, hvorki líkamlegt né fjárhagslegt, sem hlauparar verða fyrir vegna þátttöku í hlaupinu.
  3. Sá aðili sem skráir fleiri en sjálfan sig í hlaupið samþykkir að veita Gung-Ho! heimild til að nota skráningar upplýsingar í tengslum við viðburðinn. Þá er hann einnig ábyrgur fyrir að kynna skilmála hlaupsins fyrir þeim sem hann skráir. Ef þau hin sömu eru ekki tilbúin til að samþykkja skilmála hlaupsins verður skrifleg athugasemd að berast Gung-Ho! innan tveggja sólarhringa frá skráningu og í síðasta lagi áður en þátttaka í viðburðinum hefst ef skráning á sér stað innan tveggja sólarhringa fyrir upphaf viðburðar.
  4. Persónuupplýsingar sem þátttakendur gefa upp verða meðhöndlaðar af fullum trúnaði og ekki miðlað til þriðja aðila. Allar myndir sem teknar eru af opinberum ljósmyndurum Gung-Ho! af þátttakendum í hlaupum þess áskilur Gung-Ho! sér rétt til að nota í markaðs- og kynningarefni hlaupsins.
  5. Vörumerki, merki fyrirtækja og viðskiptaheiti sem birt eru á vefsíðu Gung-Ho! (www.gungho.is), Facebook síðu Gung-Ho! (www.facebook.com/gunghoisland) og á hverjum öðrum stað sem Gung-Ho! er kynnt njóta verndar á Íslandi og á alþjóðlegum vettvangi. Hvers kyns notkun þeirra er óheimil nema að fenginni skriflegri heimild frá Gung-Ho!
  6. Gung-Ho! ber ekki ábyrgð á efni neinna vefsíðna sem tengdar eru vefsíðu Gung-Ho! sem ekki er haldið úti af Gung-Ho! Opinber heimasíða á vegum Gung-Ho! er http://www.gungho.is/, Facebook síðan „Gung Ho Ísland“ sem og viðburður á Facebook „Gung Ho Ísland“
  7. Gung-Ho! er heimilt að endurskoða eða breyta skilmálum þessum vegna ófyrirsjáanlegra ástæðna, s.s. náttúruhamfara eða veðurs. Verði breytingar á skilmálum verða þær tilkynntar til þátttakenda með tölvupósti.
Runners at Gung-Ho! London West 2015

Greiðsluskilmálar

  1. Skráningarferli í Gung-Ho! fer í gegnum heimsíðuna Midi.is og gilda almennir skilmálar um miðakaup
  2. Þátttökugjöld í Gung-Ho! eru ekki endurgreidd. Ekki er hægt að geyma þátttökugjöld hlaupa fram á næsta ár né gera nafnabreytingu á skráningum.
  3. Ef hlaupið fer ekki fram samkvæmt áætlun vegna ófyrirsjáanlegra atburða, svo sem náttúruhamfara, munu greidd þátttökugjöld í hlaupið ekki verða endurgreidd. Leitast verður við að finna nýja dagsetningu fyrir hlaupið.

Viltu hafa samband?

Fyrirspurnum eða athugasemdum varðandi þessa skilmála eða annað sem viðkemur Gung-Ho! á Íslandi má koma á framfæri með því að nota neðargreindar upplýsingar.

Heimilisfang:
Basic International ehf.
Suðurlandsbraut 22
108 Reykjavík