Gung-Ho! Seriously Fun! 5K inflatable obstacle course

TÍU STURLAÐAR UPPBLÁSNAR RISAHINDRANIR Í 5km LANGRI SKEMMTUN Í STÆRSTA HLAUPI Í HEIMI.

GUNG-HO! KEMUR TIL ÍSLANDS OG VERÐUR Í LAUGARDALNUM ÞANN 12. ÁGÚST 2017!

Ertu klár í stærsta hlaup í heimi?

Taktu þátt í 5km langri skemmtun með 10 risa hindrunum. Þú munt hlaupa, hoppa og skoppa í gegnum brautina – Geggjuð skemmtun í góðum hópi.

GUNG-HO! er fyrir alla og hlaupaform þitt skiptir litlu því þú þarft ekki að vera í neinni þjálfun til að geta tekið þátt í gleðinni. Þú þarft bara að vera klár í stórkostlega skemmtun!

Gung-Ho! Start Me Up obstacle

Það sem gerir GUNG-HO! frábrugðið öðrum skemmtihlaupum er stærð stórkostlegustu uppblásnu hindrana í heimi!

GUNG-HO! er tilvalið hópefli fyrir fjölskyldur, saumaklúbba, félagasamtök og vinnuhópa. Hópar 10 þátttakenda eða fleiri geta fengið sérstakt hóptilboð með því að senda okkur línu hér á Facebook.

ERT ÞÚ GUNG-HO!?

Afhending hlaupagagna hefst miðvikudaginn 9. ágúst

Frá og með miðvikudeginum 9. ágúst geta þátttakendur í Gung-Ho sótt hlaupagögn sín í verslun Under Armour á bíógangi Kringlunnar.

Hægt er að sækja gögnin á hefðbundnum opnunartíma Kringlunnar, þ.e. frá kl. 10 til 18.30 á miðvikudag, 10 til 21 á fimmtudag og frá 10 til 19 á föstudag.

Á hlaupadegi verður hægt að sækja hlaupagögn í Laugardal þar sem hlaupið fer fram en þátttakendur eru eindregið hvattir til að sækja hlaupagögnin í verslun Under Armour í vikunni.

Hlaupaleiðin í Laugardalnum

Start og endamark Gung-Ho! verður á grassvæðinu fyrir neðan Áskirkju við Laugarásveg og ofan við gömlu þvottalaugarnar. Eins og sjá má á meðfylgjandi mynd verður byrjað á þrautinni Start me up í upphafi hlaups og þaðan farið norður í átt að tjaldsvæðunum í Laugardal, út á gangstéttina við Sundlaugaveg og aftur inn í Laugardalinn við austurenda Laugardalslaugar þaðan sem hlaupið er inn á kastvöllinn við hlið Valbjarnarvallar. Þar verður farið í gegnum tvær þrautir, Day tripper og Can I kick it áður en hlaupið er meðfram Valbjarnarvellinum í átt að Laugardalshöllinni, farið yfir Engjaveginn og svo til vesturs í átt að Reykjavegi þar sem komið er að þrautinni Born slippy. Að henni lokinni er hlaupið á göngustígnum fyrir neðan Suðurlandsbrautina í átt að Glæsibæ. Fyrir ofan Laugardalshöllina fara þátttakendur í gegnum þrautina Surfin’ og halda svo áfram áleiðis í átt að grassvæðinu til móts við Glæsibæ þar sem þeirra bíður þrautin Maniac. Að henni lokinni er hlaupið utan með Fjölskyldu- og húsdýragarðinum  í átt að þrautinni Under pressure við rætur Holtavegar. Þaðan er hlaupið inn í Grasagarðinn þar sem finna má þrautirnar The Wall og Walking on the moon sem er tæpir 400 fermetrar að stærð, áður en hlaupið er aftur inn í endamarkið þar sem lokaþrautin The Final Countdown endar fjörið með þátttakendum.

Þeim sem koma akandi á viðburðinn er bent á bílastæði í nágrenninu en næg bílastæði má finna við Skautasvellið, Laugardalshöllina, gervigrasvöllinn, Holtaveg, Glæsibæ og Suðurlandsbraut. Að gefnu tilefni er bent á að ekki er ætlast til að bílum sé lagt við Laugarásveginn.

Hvað þýðir GUNG-HO!?

Skilgreining á orðatiltækinu GUNG-HO! er þríþætt.

Upphaflega kemur hugtakið til hins vestræna heims frá Kína þar sem að GUNG-HO! stendur fyrir samvinnu.

GUNG-HO! er notað yfir aðila sem eru einbeittir og ætla að fara “alla leið” í því sem þeir eru að gera.

GUNG-HO! er heitið á þeim heræfingum þar sem þátttakendur klifra yfir reista timburveggi, skríða undir lágreista kaðla og hlaupa í gegnum dekkjaþrautir svo eitthvað sé nefnt.

Hvað segja Íslendingar sem hafa tekið þátt í GUNG-HO! að segja um hlaupið?

Search